O‘zLiDeP Siyosiy Kengashi Ijroiya qo‘mitasi raisi, O‘zbekiston fermer, dehqon xo‘jaliklari va tomorqa yer egalari Kengashi raisi vazifasini bajaruvchi Aktam Xaitov Olot tumanidagi partiya elektorati bo‘lgan fermerlar faoliyati bilan yaqindan tanishdi.

Xabaringiz bor, shu kunlarda respublikamizning barcha hududlarida paxta-yig‘im terimi boshlanib, dehqonlarimiz o‘zlari yetishtirgan oq oltinimizni nes-nobud qilmasdan terib olishga astoydil harakat qilishmoqda. Tumandagi tashrifi davomida O‘zLiDeP rahbari A.Xaitov “Narzioyim” fermer xo‘jaligi dala sheyponida bo‘lib, fermerning paxta dalasini ko‘zdan kechirdi, paxtani o‘z vaqtida nes-nobud qilmasdan terib olishda o‘zining maslaxatini berib o‘tdi.

O‘zLiDeP rahbari suhbat jarayonida tuman hokimligidan bir guruh mutassaddilarga keyingi yillarda mamlakatimizda qishloq xo‘jaligini rivojlantirish borasida keng ko‘lamli islohotlar amalga oshirilayotganini alohida ta’kidladi.

Shundan so‘ng, paxta yig‘im-terim mavsumida aholining majburan terimga jalb qilinishini oldini olish, terimchilarni sog‘-salomat borib kelishlari, ularning ovqatlanish me’yorlarini to‘g‘ri  ta’minlash hamda terimchilarning ish haqini o‘z vaqtida berish lozimligini ta’kidlab o‘tdi.

Ta’kidlash kerak, tashrif davomida O‘zLiDeP rahbari A.Xaitov fermer xo‘jaligi faoliyatini yanada kengaytirishda yo‘l-yo‘riqlar berdi. Partiyamiz fermerlarning huquqlarini qonun doirasida himoya qilishda har doim tayyor ekanligini bildirdi.

Shamshod Jafarov

O‘zLiDeP Buxoro viloyat Kengashi

Matbuot kotibi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!