Namanganlik Hakima Toshmatova “Mega stars flowers” korxonasida temir panjaralar, bejirim temir darvozalar va 30dan ortiq turdagi  po‘latdan yasalgan naqshlar ishlab chiqaradi.

— Tayyorlanayotgan har bir mahsulotni san’at darajasida tayyorlanishiga alohida e’tibor qaratamiz, – deydi H.Toshmatova. — Har bir buyurtmani mijozlarning didi va xohishidan kelib chiqib, tayyorlashga harakat qilamiz. Shu bois mijozlarimiz ishimizdan mamnun, mahsulotlarimiz xaridorgir.

Ta’kidlash kerak, hozirda partiyaning chinakam faoliga aylangan Hakima Toshmatova partiya g‘oyalarini targ‘ib qilishda ham alohida tashabbus ko‘rsatmoqda. Kuni kecha u rahbarlik qilayotgan korxonada 30 nafar partiya a’zolarini o‘zida birlashtirgan yangi BPT tuzildi.

Yana bir gap. Tadbirkor taklifi bilan korxona ishchi-xodimlarining siyosiy savodxonligini oshirish, Prezidentimiz tomonidan qabul qilinayotgan qaror va farmonlarning mazmun-mohiyatini tushuntirish maqsadida haftaning har shanba kuni xodimlar uchun siyosiy darslar tashkil etishga kelishib oldi.

Sevara MUSLIMOVA,

O‘zLiDeP Siyosiy Kengashi

Ijroiya qo‘mitasi

Ayollar bilan ishlash

bo‘lim mudiri

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!