O‘zLiDeP Nurobod tuman Kengashi partiya tashkil topganligining 15 yilligi munosabati bilan “O`zLiDeP - tadbirkor ayollar manfaatlari himoyachisi” mavzusida o‘quv-seminar tashkil etdi.

Tadbirda mamlakatimizda tadbirkorlik va fermerlikni rivojlantirishda xususiy mulkni har tomonlama muhofaza qilish va ishbilarmonlik muhitini sifat jihatidan yanada yaxshilashga alohida e’tibor qaratilayotgani ta’kidlandi. Shuningdek, yangi ishlab chiqarish quvvatlarini yaratish, qishloq xo‘jaligi, chorvachilik, xizmat ko‘rsatish va ekoturizm sohalarini rivojlantirish borasida rejalashtirilayotgan vazifalar muhokama qilindi.

– O‘zLiDeP o‘tgan 15 yilda aholining barcha qatlamlari orasida ish olib boruvchi katta kuchga aylandi, – deydi O‘zLiDeP Nurobod tuman Kengashi raisining birinchi o‘rinbosari-apparat rahbari M.Usanova. – Partiyaning 15 yilligi biz va partiyamiz faollari uchun faoliyatimizni sarhisob qilish, istiqboldagi rejalarini belgilab olish uchun ham bir imkoniyatdir.

Tadbir ishtirokchilari o‘zlarini qiziqtirgan savollarga mutasaddi tashkilot vakillaridan javob olishdi.

Marhabo Cho‘liyeva

O‘zLiDeP Samarqand viloyat

Kengashi bo‘lim mudiri

 O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!