O‘zLiDeP Norin tuman Kengashi “Changitma” MFY qoshidagi BPTda “Ayollarning huquqiy madaniyati va uni yuksaltirish masalalari O‘zLiDeP nigohida” mavzuida  davra suhbati tashkil etdi.

Tadbirda ayollarning jamiyatdagi roli va mavqeini oshirish,  onalik va bolalikni muxofaza qilish, hotin-qizlarni reproduktiv salomatlik, sog‘lom turmush tarzi borasidagi tibbiy savodxonligini oshirish borasida partiya tuman Kengashi tomonidan hayotga tatbiq etilayotgan ishlar yuksak samara berayotgani ta’kidlandi.

–Mazkur tadbirdan ko‘zlangan maqsad – xotin-qizlarning ma’naviy dunyosini boyitish barobarida ularning siyosiy faolligini oshirish, huquqiy madaniyatini yuksaltirishdan iborat, – deydi O‘zLiDeP Norin tuman Kengashi apparat rahbari Nahida Rahimova. – Shu nuqtai nazardan faol tadbirkor, ishbilarmon ayollarning hayotiy tajribasini yoshlarga namuna sifatida ko‘rsatish, ular ishtirokida davra suhbati, amaliy seminarlar va master-klasslar tashkil etish orqali ayol tadbirkorlar safini kengaytirishga alohida e’tibor qaratyapmiz.

Tadbirda siyosiy jihatdan yetuk, partiya maqsad va vazifalarini targ‘ib qilishga qodir bo‘lgan xotin-qizlardan 10 nafari partiya istiqbolli kadrlar zaxirasiga olindi.

Husnida IMINJONOVA,

O‘zLiDeP Namangan viloyat

Kengashi bo‘lim mudiri