O‘zLiDeP Samarqandda “Xususiy bandlik agentliklari to‘g‘risida”gi qonun mohiyatini muhokama qildi
27.11.2018, 17:52
O‘zLiDeP Samarqand viloyat va shahar Kengashi, Samarqand shahar aholi bandligiga ko‘maklashish markazi bilan hamkorlikda “Xususiy bandlik agentliklari to‘g‘risida”gi Qonun targ‘ibotiga bag‘ishlangan ochiq muloqot tashkil etdi.
Unda tegishli soha vakillari, Xalq deputatlari viloyat, shahar Kengashidagi O‘zLiDeP deputatlik guruhi a’zolari, Samarqand shahar aholi bandligiga ko‘maklashish markazi vakillari ishtirok etdi.
Qayd etilganidek, mamlakatimizda bandlik siyosatini amalga oshirishda ushbu qonun ustuvor ahamiyat kasb etadi. E’tiborlisi, endi davlat tashkilotlari qatorida, xususiy bandlik agentliklari ham mehnat bozoridagi munosabatlarni tartibga solishga xizmat qiladi.
– Mazkur qonun aholini ishga joylashtirish xizmatlarini ko‘rsatish tartibi va shartlari, jumladan, xususiy bandlik agentliklari, korxonalar va ish qidirayotgan shaxslarning huquq hamda majburiyatlarini belgilashga qaratilgan, – deydi Samarqand shahar aholi bandligiga ko‘maklashish markazi rahbari Nasiba Vafoqulova. – Xususiy bandlik agentliklari xorijdagi mehnat bozorini o‘rganish, chet eldagi ish beruvchilarni topish va oldindan tanlovdan o‘tgan ish qidirayotgan shaxslar bilan shartnomalar tuzish bilan shug‘ullanadi. Eng muhimi, fuqarolarning mamlakatdan tashqarida ijtimoiy himoyasini ta’minlaydi.
Tadbirda ishtirokchilarni qiziqtirgan savollariga soha mutasaddilari tomonidan atroflicha javob qaytarildi.
N.MO‘MINOVA,
O‘zLiDeP Samarqand viloyat
Kengashi bo‘lim mudiri
O'xshash yangiliklar
-
Ona tilim o‘lmaydi
18.10.2023, 17:36
-
Yangi tahrirdagi Konstitutsiya o‘qitilmoqda, o‘rganilmoqda
05.09.2023, 16:36
-
Referendumda O`zLiDePdan ishtirok etadigan kuzatuvchilar uchun o‘quv-seminar o‘tkazilmoqda
18.04.2023, 17:28
-
Deputatlar faoliyatini jonlantirishga qaratilgan amaliy seminar o‘tkazildi
27.01.2023, 18:11
-
O’quv-seminarning navbatdagisi Murojaatnomada xotin-qizlar yo‘nalishidagi ustuvor vazifalarga bag‘ishlandi
27.01.2023, 18:08
Fikringizni qoldiring