Tomorqa – daromad manbai
23.03.2019, 12:00
O‘zLiDeP Jondor tuman Kengashi “Xumdonak” MFYda “Tomorqa – daromad manbai” mavzusida ochiq muloqot o‘tkazdi.
Unda mahalliy Kengash deputatlari, tajribali tadbirkor va fermerlar, tuman Fermer, dehqon xo‘jaliklari va tomorqa yer egalari kengashi vakillari hamda o‘z biznesini boshlamoqchi bo‘lgan yoshlar ishtirok etdi.
O‘zLiDeP faollarining aytishicha, bugun partiya faollari aholini tadbirkorlikka jalb qilish va bandligini ta’minlashga jiddiy kirishgan. Olib borilayotgan sa’y-harakatlar natijasida tumanda tomorqa madaniyati yildan-yilga yuksalib, oilalar daromadi oshmoqda.
“Ilgari “Xumdonak” MFYda 240 gektar ekin maydonlarida 24 tadbirkor mehnat qilgan bo‘lsa, 2019 yilning mart oyida bu ko‘rsatgich 38 tani tashkil etdi. Hozir mahallamizda yetishtirilayotgan mahsulotlar nafaqat tumanda balki boshqa bozorlarda ham xaridorgir. Bu ham mahallada tomorqaga e’tibor yuqori darajada ekanidan dalolat”, – deydi mahalliy aholi vakillaridan biri.
Uning qo‘shimcha qilishicha, jondorliklar faqat issiqxona bilan cheklanib qolmagan. O‘z xonadonida parrandachilik va quyonchilikni ham yo‘lga qo‘ygan. Tovuq, kurka ko‘paytirib, yaxshigina daromad olib kelmoqda.
“Partiya tomonidan bo‘sh yerlardan unumli foydalanish, issiqxonalar tashkil etish bo‘yicha amalga oshirilgan targ‘ibot ishlari o‘z samarasini beryapti. Mahallamizdagi har ikki xonadonning birida issiqxona bor. Yilning to‘rt faslida barcha sabzavotlar muhayyo”, – deydi “Xumdonak” mahalla fuqarolar yig‘inida yashovchi fuqarolardan yana biri.
Xullas bugun mahallada hamma ish bilan band, bekorchi odamning o‘zi yo‘q. Bu esa tumanda oilaviy tadbirkorlikni rivojlantirishga qaratilayotgan e’tibor samarasidir.
O‘zLiDeP Buxoro viloyat
Kengashi matbuot xizmati
O'xshash yangiliklar
-
Ta’lim sohasi vakillari partiya targ‘ibotida faol
09.04.2024, 20:15
-
“Bunyodkor tekstilda” quyi bo‘g‘in faoliyati jonlanmoqda
08.04.2024, 17:01
-
217 nafar partiya a’zosi bo‘lgan korxonadagi quyi bo‘g‘inning faoliyatiga baho berildi
05.04.2024, 12:57
-
Viloyat hokimi o‘rinbosarining hisoboti eshitildi
04.04.2024, 11:09
-
Buxorolik maslakdoshlarimiz safi tobora kengayib bormoqda
02.04.2024, 16:56
Fikringizni qoldiring