O‘zLiDeP deputati o‘quvchilarga 50 dan ortiq kitoblar tuhfa qildi
24.05.2019, 14:32
Xalq deputatlari Mirobod tuman Kengashidagi O‘zLiDeP deputatlik guruhi a’zosi Abduhakim Mamanazarov o‘zi tahsil olgan Denov shahridagi 79-umumiy o‘rta ta’lim maktabiga bordi.
Uchrashuv davomida o‘quvchilar bilan dildan suhbatlashib, ularga o‘zi ta’lim olgan davr bilan hozirgi kun, shart-sharoitlar o‘rtasidagi farq, yosh avlodga berilayotgan e’tibor xususida so‘zlab berdi.
Yig‘ilganlar, ayniqsa, uning hozirgi paytda
M.Lomonosov nomidagi Moskva davlat universitetining Toshkent shahridagi filialida faoliyat yuritayotgani haqida eshitishgach, suhbat yanada jonlanib ketdi. Bitiruvchilar mazkur o‘quv dargohiga qabul tartibi va talaba-yoshlar uchun yaratilgan imkoniyatlar haqida ustma-ust savollar berishdi. Tegishli javoblarni olishgach, ularda ushbu ta’lim maskanida o‘qish ishtiyoqi tug‘ilgani yuz-ko‘zlarida shunday aks etdiki, buni ko‘rib mehmonning o‘zi ham quvonib ketdi.
– Bunday uchrashuvlarning o‘quvchilarimiz uchun tarbiyaviy ahamiyati juda katta, – deydi maktab direktori Gulnora Abdurahimova. – Tug‘ilib o‘sgan yurtga sadoqat, mehr-oqibat, saxiylikka undaydi. Katta odam bo‘lsam, men ham shunday insonlar safida bo‘laman, degan ezgu maqsad muhrlanadi yoshlar qalbida.
Uchrashuv so‘ngida xalq vakili maktab kutubxonasiga 50 dan ortiq kitoblar tuhfa qildi.
O‘zLiDeP matbuot xizmati
O'xshash yangiliklar
-
Qo‘rg‘ontepada qishloq xo‘jaligiga mo‘ljallangan yerlardan samarali foydalanish holati tahlil qilindi
26.01.2024, 16:23
-
Deputat ko‘magida aholi xonadonlariga ichimlik suvi yetib bormoqda
26.01.2024, 11:59
-
Deputatlik eshituvi tanqidiy-tahliliy ruhda o‘tdi
26.01.2024, 11:58
-
Boshqarma boshlig‘ining hisoboti eshitildi
25.01.2024, 15:34
-
Zominlik deputatlar tuman elektr tarmoqlari korxonasi rahbarining hisobotini eshitdilar
23.01.2024, 15:15
Fikringizni qoldiring