O‘zLiDeP sardobalik yoshlarga kitoblar jamlanmasini tuhfa qildi
28.05.2019, 15:08
O‘zLiDeP Sirdaryo viloyat Kengashi “Durdona” loyihasi doirasida Sardoba tumanidagi 9-sonli Bolalar musiqa va san’at maktabida “O‘zLiDeP, yoshlar, kitob va ma’naviyat” nomli aksiya o‘tkazdi.
Unda tumandagi 6, 12, 14, 21-umumiy o‘rta ta’lim maktablarining yuqori sinf o‘quvchilari va o‘qituvchilari, partiya tuman Kengashi mas’ul xodimlari, tuman xalq ta’limi bo‘limi vakillari qatnashdi.
Tadbirda o‘quvchi yoshlar o‘zlari sevib o‘qigan asarlari haqida fikr yuritdilar, yod olgan she’rlaridan namunalar o‘qishdi, kitob bilan do‘st bo‘lishning nechog‘lik foydali va ayni chog‘da zavqli ekanligi to‘g‘risida so‘zlab berdilar.
Tadbir davomida viloyatning eng chekka hududi Sardobada arzonlashtirilgan kitoblar savdosining tashkil etilganligi ishtirokchilarni mamnun etdi.
“Keyingi vaqtda yoshlarning kitob o‘qishga bo‘lgan qiziqishlari biroz pasaygani rost, – deydi partiya viloyat Kengashi bo‘lim mudiri Dilshod To‘raqulov. – Ammo, insonning ongu tafakkurini charxlash, ma’naviy olamini boyitish, ezgulikni targ‘ib etishda kitobning o‘rni va qadr-qimmatini hech narsaga tenglab bo‘lmaydi”.
Shu kuni Boyovut tumani “Markaz” mahalasida jylashgan 42-umumiy o‘rta ta’lim maktabida ham aksiya doirasida targ‘ibot tadbiri o‘tkazildi. Beshta tashabbusning biri sifatida tashkil etilgan tadbirda yigit-qizlar kitobxonlik, hunarmandchilik, tasviriy san’at, sport va oshpazlik yo‘nalishlarida o‘z iqtidor va mahoratlarini ko‘rsatdi.
“Bugun kitob farzandlarimiz qo‘liga yana qaytdi. Hozir aksariyat ota-onalar farzandlariga qimmatbaho sovg‘a emas, balki ma’naviyat bulog‘i – kitob sovg‘a qilishga odatlanishdi. Bu albatta har bir xonadonda, oilada kitobga bo‘lgan e’tibor, qiziqishning ortib borayotganidan dalolatdir”, – deydi O‘zLiDeP Boyovut tuman Kengashi apparat rahbari Manzura Dodayeva.
Tadbir yakunida partiya viloyat Kengashi tomonidan taqdim etilgan kitoblar jamlanmasi ham bu maktab kutubxonasiga katta tuhfa bo‘ldi.
Dilorom ESONOVA,
O‘zLiDeP Sirdaryo viloyat
Kengashi bo‘lim mudiri
O'xshash yangiliklar
-
O‘zLiDeP “Ayollar qanoti” loyihalari orqali ishsiz xotin-qizlar tadbirkor bo‘lyapti
09.04.2024, 19:52
-
Qoratepalik Matluba opa tomorqasidan har yili 30 million so‘m daromad qilmoqda
09.04.2024, 19:49
-
Xotin-qizlarning iqtisodiy, ijtimoiy va siyosiy faolligini oshirishga eʼtibor yana-da kuchaygan
31.03.2024, 10:51
-
Mahalladagi xotin-qizlarning muammo va takliflari o‘rganildi
01.03.2024, 22:01
-
Gulchi opa mahalla xotin-qizlariga o‘z tajribasini ommalashtirdi
24.02.2024, 12:22
Fikringizni qoldiring