M.Qalandarova “Ishbilarmon ayol” ko‘rik-tanlovining Do‘stlik tuman bosqichi g‘olibi bo‘ldi
03.06.2019, 15:34
O‘zLiDeP Do‘stlik tuman Kengashi “Ayollar qanoti” tomonidan “Ishbilarmon ayol” ko‘rik-tanlovining tuman bosqichi o‘tkazildi.
Mamlakatimizda xotin-qizlar tadbirkorligini rivojlantirish, fermer va tadbirkor ayollar safini yanada kengaytirish, ularning mehnatini munosib rag‘batlantirish maqsadida tashkil etilgan tanlovda eng faol ishbilarmon va tadbirkor xotin-qizlar ishtirok etdi.
Hakamlar hay’ati tanlov ishtirokchilarining innovatsion loyihalarni hayotga tatbiq etishdagi faolligi, zamonaviy ishlab chiqarishni yo‘lga qo‘yish orqali yangi ish o‘rinlari yaratgani, eksportbop yoki import o‘rnini bosuvchi mahsulot ishlab chiqarayotgani kabi jihatlarga alohida e’tibor qaratdi.
Yakuniy xulosalarga ko‘ra, “Manas chevarlari” MChJ rahbari Matluba Qalandarovaning faoliyati e’tirof etilib, tanlovning viloyat bosqichiga yo‘llanma berildi. M.Qalandarova mahalladagi 20 nafar xotin-qizni ish bilan ta’minlagan. Uning rahbarligida ishlab chiqarilayotgan 20 turdan ortiq mahsulotlar ichki bozorda juda xaridorgir.
“Yurtimizda ishlayman, tadbirkorlik faoliyati bilan shug‘ullanaman, degan kishi uchun barcha shart-sharoitlar yaratilgan. Albatta, tadbirkor bo‘lish oson emas. Har qadamda o‘qib-o‘rganishga, zamon bilan hamnafas bo‘lishga, o‘zing qo‘l urgan sohaning sir-asrorlarini o‘rganishingga to‘g‘ri keladi. Ayniqsa, tikuvchilik bilan shug‘ullanaman degan ayollar, sog‘lom raqobatga tayyor bo‘lishi, iste’molchilar talabini va ehtiyojlarini qunt bilan o‘rganishi kerak”, – deydi M.Qalandarova.
Ma’lumot uchun, tadbirkor 2018 yilda tikuvchilik sexini ochishdan avval, sohaga oid yangiliklar, qonun hujjatlari bilan tanishgan. Bozor talablarini o‘rganib chiqqan. “Obod qishloq” Davlat dasturi doirasidagi bunyodkorlik ishlari esa uning biznes-rejasini amalga oshirishda qo‘l kelgan.
Saida UMARALIYEVA,
O‘zLiDeP Jizzax viloyat Kengashi
matbuot kotibi
O'xshash yangiliklar
-
O‘zLiDeP “Ayollar qanoti” loyihalari orqali ishsiz xotin-qizlar tadbirkor bo‘lyapti
09.04.2024, 19:52
-
Qoratepalik Matluba opa tomorqasidan har yili 30 million so‘m daromad qilmoqda
09.04.2024, 19:49
-
Xotin-qizlarning iqtisodiy, ijtimoiy va siyosiy faolligini oshirishga eʼtibor yana-da kuchaygan
31.03.2024, 10:51
-
Mahalladagi xotin-qizlarning muammo va takliflari o‘rganildi
01.03.2024, 22:01
-
Gulchi opa mahalla xotin-qizlariga o‘z tajribasini ommalashtirdi
24.02.2024, 12:22
Fikringizni qoldiring