Yoshlarni to‘g‘ri yo‘lga boshlash – barchamizning vazifamiz
25.12.2017, 17:09
– Prezidentimizning har bir ma’ruzasini e’tibor bilan tinglab boraman: Shunga aminmanki, davlatimiz rahbari yoshlar va ularning muammolariga, iqtidori va intilishlariga hech qachon be’etibor qaramaganlar. 22 dekabrdagi murojaatnomada ham iqtidorli yoshlarni qo‘llab-quvvatlash, ularning iste’dodini ro‘yobga chiqarish, o‘ylab yurgan innovatsion g‘oya va fikrlarini amalga oshirish borasida ham alohida to‘xtalib o‘tdilar.
Murojaatnomada xorijdagi tengdoshlarimiz bilan ilm-fan, madaniyat, tadbirkorlik, sport va boshqa sohalarda faol muloqotda bo‘lishimiz, ular bilan tajriba almashishimiz lozimligini ta’kidladilar. Shu maqsadda O‘zbekiston yoshlari xalqaro assotsiatsiyasini tuzish, kirib kelayotgan yangi yilda Markaziy Osiyo yoshlari forumini o‘tkazish kabi takliflarni bildirdilar. Darhaqiqat, jonajon yurtimiz aholisining yarmidan ko‘pini aynan 32 yoshgacha bo‘lgan yoshlar tashkil qilsa-da, ularning bir milliondan ko‘prog‘i turli xil chet davlatlarda faoliyat yuritib kelmoqda. Ijtimoiy tarmoqlar orqali ular ham yurtimizdagi o‘zgarishlardan xabardor ekanliklarini, bundan faqatgina xursand bo‘layotganliklarini anglashimiz qiyin emas. Ayni damda xorijda yurib, turli xil ekstremistik guruhlar, millatchi oqimlarga qo‘shilib ketgan tengdoshlarimizni ham bu yo‘ldan qaytarish nafaqat huquqni muhofaza qiluvchi organlarning, balki barchamizning vazifamiz ekanligini unutmasligimiz lozim.
Jo‘rabek ASLONOV,
O‘zLiDeP Navoiy viloyat Kengashi
Yoshlar bilan ishlash bo‘limi mudiri
O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Yoshlarning biznesga qiziqishi yana-da ortmoqda
24.04.2024, 17:07
-
Talaba-yoshlarning partiya loyihalariga qiziqishi ortmoqda
09.04.2024, 19:25
-
Nukuslik yoshlarning moliyaviy savodxonligi oshirildi
31.03.2024, 09:59
-
Yoshlarning moliyaviy savodxonligi oshirildi
16.03.2024, 14:44
-
Deputat talabalarning ta’lim va ish bilan bandlik yo‘nalishidagi muammolari bilan qiziqdi
07.03.2024, 10:56
Fikringizni qoldiring