Koronavirus: ko‘pi ketib ozi qoldi
02.05.2020, 12:15
Yaratganga shukrlar bo‘lsinki, deyarli har kuni, har soatda pandemiyadan butunlay sog‘ayganlar haqidagi xushxabarlarni eshitayapmiz. Albatta ich-ichimizdan barchamiz, bu davomiy bo‘lishini, kasallikdan butunlay forig‘ bo‘lishni istayapmiz. Birga bo‘lsak, yana oz fursat uyda qolib karantin qoidalarini buzmasak, albatta pandemiyani tag tomiri bilan yo‘qotishimizga ishonchim komil.
Shuni aytish kerakki, kasallikni jilovlash oson bo‘lmayapti. Jaxonning eng taraqqiy etgan mamlakatlari pandemiyaga qarshi qanday yo‘l tutishni bilmay turgan bir paytda yurtimizda o‘z vaqtida va tezkor ko‘rilgan qat’iy choralar natijasida kasallik ortga chekinmoqda. Buning uchun zamonamizning chinakam qahramonlari bo‘lgan barcha shifokorlarimizga va hukumatimizga qancha minnatdorchilik bildirsak shuncha kam.
Davlatimiz rahbari tomonidan 29 aprel kuni bo‘lib o‘tgan navbatdagi videoselektor yig‘ilishida tibbiyot xodimlarining mashaqqatli va mas’uliyatli mehnatini munosib qadrlash, rag‘batlantirish maqsadida yana bir muhim qarorni imzolaganini ma’lum qildi. Unga ko‘ra, sanitariya-epidemiologiya xizmatining qariyb 11 mingga yaqin barcha toifadagi tibbiyot xodimlarining ish haqi 2,5 baravarga oshirildi.
Shifokor sifatida shuni ishonch bilan ayta olamanki, bu yuksak e’tibor va rag‘batni jonkuyar shifokorlarimiz zimmalariga yuklangan mas’uliyat deb qaraydilar.
O‘rni kelganda og‘ir sinov kunlarida chinakam sabr-toqat va mas’uliyat, mehr-oqibat fazilatlarini namoyon etib kelayotgan yurtdoshlarimizga yana bir bor murojaat qilishni xalq vakili sifatida burchim deb bilaman.
Qadrdon yurtdoshlar!
Karantin cheklovlarining yumshatilishi, butunlay koronavirusdan qutildik, endi bemalol avvalgidek yuraversak bo‘ladi degani emas. Chegara bilmas pandemiya hozircha xavf solib turibdi. Shunday ekan, ko‘pi ketib ozi qolgan kasallikni butunlay yengish uchun “Uyda qolib”, shifokorlar maslahatlariga qat’iy amal qilishda davom etaylik.
Dilbar Usmonova,
Oliy Majlis Qonunchilik palatasidagi
O'zLiDeP fraksiyasi a’zosi
O'xshash yangiliklar
-
Davlat dasturidan kelib chiqadigan partiya va fraksiya oldidagi vazifalar muhokama qilindi
26.02.2024, 21:34
-
Deputat maktab kutubxonasiga 100 dan ortiq badiiy asarlar va adabiyotlar tuhfa qildi
14.02.2024, 17:25
-
Muhim va ustuvor vazifalar belgilab olindi
31.01.2024, 17:53
-
“Ayollar daftari” bilan manzilli ishlashning shaffof mexanizmi yaratiladi
30.01.2024, 12:29
-
Deputat jarqo‘rg‘onlik tadbirkorlar muammosini o‘rgandi
30.01.2024, 10:11
Fikringizni qoldiring