Ana shu shior ostida O’zLiDeP Xorazm viloyat Kengashi tomonidan “Urganch baxmal” MChJdagi boshlang‘ich partiya tashkilotida O‘zbekiston Respublikasi davlat mustaqilligining 29 yilligi munosabati bilan bayram tadbiri o‘tkazildi.

 Tadbirda so‘z olgan partiya vakillari eng ulug‘, eng aziz bayram mamlakatimiz mustaqilligining 29 yilligi bilan mazkur korxona ishchi-xodimlarini tabriklab o‘tishdi.

Mazkur korxonaga «Bahmal Group» brendi ostida 2005 yil asos solingan. 15 kishi bilan Urganch Baxmal MChJ sifatida ish boshlagan korxonada tekstil mahsulotlaridan paxta ipli gulli gazlamalar ishlab chiqarilmoqda.

Bugungi kunga kelib «Bahmal Group» tarkibidagi korxonalar soni 10 taga yetgan, shundan Xorazm viloyatida «Urganch Baxmal» MChJ, Xorazm ipagi» MChJ, «Urganch teks» MChJ, «Smart invest» MChJ va «Qo‘shko‘pir teks» MChJ lar ham samarali faoliyat yuritib kelmoqda.

Korxona bugungi kunda Italiya, Shveysariya, Germaniya, Belgiya, Rossiya, Turkiya davlatlarida ishlab chiqarilgan eng so‘ngi texnika va dastgohlar bilan jihozlangan bo‘lib, ishlab chiqarilgan mahsulotlar sifati bo‘yicha jaxon talablariga to‘liq mos keladi va tegishli sifat sertifikatlariga hamda o‘z brendiga ega. Yakinda sifat bo‘yicha Yevropaning OYEKO-TYeX tekstil sertifikatini ham qo‘lga kiritdi.

Korxona rahbari, deputatimizning tashabbusi bilan faoliyat turlari ham kun sayin kengayib, to‘qimachilik, gulli gazlamalar ishlab chiqarish, ipakchilik, tikuvchilik faoliyatlari bilan mehnat qilib kelayotgan malakali ishchi xizmatchilar soni bugunga kelib 1600 nafardan oshgan.

Ishlab chiqarilgan mahsulotlar asosan Rossiya, Ukraina, Polsha, Kozog‘iston, Kirgiziya, Eron davlatlariga eksport qilinadi. Joriy yilning 7 oyi davomida korxonaning eksport hajmi 4,7 mln. AQSh dollarini tashkil qilgan. Kelajakda mahsulotlarni kamida 70 foizini eksport qilishni rejalashtirgan.

Pandemiya davrida korxona tomonidan ham ko‘plab hayriya yordamlari ajratildi. Sardobaliklarga 1000 ta korxonada ishlab chiqarilgan mahsulotlardan yuborildi, kam ta’minlangan va ehtiyojmand oilalarga bir martalik pul hamda ehtiyojmand oilalarga muntazam ravishda oziq-ovqat mahsulotlari shu kungacha  yetkazilib kelinmoqda.

Eng quvonarlisi, korxonada ishchi xizmatchilarning asosiy qismini yoshlar tashkil qilib, bu umumiy ishchilar sonining 65 foizini, yani 470 nafar ishchidan 320 nafardan ortig‘i yosh kollej va maktab bitiruvchilari tashkil qiladi.

Tadbir yakunida korxona tomonidan partiya faollari bo‘lgan turli nominatsiya g‘oliblarining har biriga 200 ming so‘m miqdorida savdo markazidan mahsulot sotib olishlari uchun sertifikat va partiyaning tashakkurnomasi, estalik sovg‘alari topshirildi.

Nilufar Djabbarova,

O’zLiDeP Xorazm viloyat Kengashi

Siyosiy ta’lim sektor mudiri