Kelayotgan qishni behadik kutib olamiz. O‘zLiDeP fraksiyasi a’zosi Shahrixondagi muammoni hal etdi
08.09.2020, 17:14
Yo‘lsozlik – ulug‘, shu bilan birga, mashaqqatli kasb. Xalqimizning “Yo‘l qurish — savob” degan purma’no naqli zamirida ham ana shu hayot haqiqati mujassam. Chunki yo‘llarning holati yaxshi bo‘lsa, odamlarning og‘iri yengillashadi, uzog‘i yaqinlashadi, turmush sharoiti yaxshilanadi. Agar yomon bo‘lsa-chi?
Shahrixon tumanidagi “Yangi mahalla” MFYda 544 ta xo‘jalik, 798 ta oila istiqomat qiladi. Ochig‘i, hudud ahli yashash sharoitlaridan sira nolimasdi. Muammolari sekin-astalik bilan hal etilishiga doim umid bilan qarashardi.
Lekin kutilgani bilan natijasi yo‘q bir masala fuqarolarni qiynab yubordi. Sababi ichki ko‘chalarni shag‘allashtirish, asfaltlashtirish masalasi ko‘p yillardan buyon ijrosiz.
Mahalla ahli ham tashkilotma-tashkilot, idorama-idora yurishdan charchadi. Yozda changdan, kuz-qishda loygarchilikdan aziyat chekadigan fuqarolarga qiyin. To‘g‘ri-da mutasaddilar bu ko‘chalarga yurarmidi, odamlarning hasratini qaydan tushunsin?! Ayniqsa, bu mavsumlarda bolalarga qiyin. Mahalladagi 44-umumta’lim maktabiga qatnovdan keyin, albatta, kiyimlarga changu loy izini qoldiradi. Ota-onalar ham shundan bezor bo‘lgan.
Oliy Majlis Qonunchilik palatasi deputati, O‘zLiDeP fraksiyasi a’zosi Odinaxon Otaxonovaning hududlardagi o‘rganishlari mazkur muammoning yuzaga chiqishiga sabab bo‘ldi. Xalq vakilining beminnat ko‘magi bilan bugun “Yangi mahalla”liklarning 4 kilometrli ichki ko‘chalari shag‘allashtirildi.
–Mahallamizdagi mavjud to‘rtta ko‘chaning holati juda abgor edi, – deydi mahalla raisi Qodirjon Xolbekov. – Bu masala bo‘yicha bir nechta idora va tashkilotlardan yordam so‘radik. Ammo barchasi “ana bo‘ladi, mana bo‘ladi”dan nariga o‘tmadi. Deputat Odinaxon Otaxonovaga rahmat! Ularga ishonch bildirib yanglishmagan ekanmiz. Ular o‘z homiyliklari bilan muammoyimizga yechim topib berdi. Endi kelayotgan qishni ham behadik kutib olamiz.
O'zLiDeP Andijon viloyat Kengashi
matbuot xizmati
O'xshash yangiliklar
-
Davlat dasturidan kelib chiqadigan partiya va fraksiya oldidagi vazifalar muhokama qilindi
26.02.2024, 21:34
-
Deputat maktab kutubxonasiga 100 dan ortiq badiiy asarlar va adabiyotlar tuhfa qildi
14.02.2024, 17:25
-
Muhim va ustuvor vazifalar belgilab olindi
31.01.2024, 17:53
-
“Ayollar daftari” bilan manzilli ishlashning shaffof mexanizmi yaratiladi
30.01.2024, 12:29
-
Deputat jarqo‘rg‘onlik tadbirkorlar muammosini o‘rgandi
30.01.2024, 10:11
Fikringizni qoldiring