Deputat ko‘magida eng chekka qishloqqa toza ichimlik suvi keldi
10.09.2020, 17:27
O`zLiDeP Sirdaryo viloyat Kengashi deputati Xurshid Rahimov o‘z zimamasidagi mas’uliyatni chuqur his qilgan holda saylovchilar muammolarini o‘rganish va uni hal qilib berishda mutasaddi idoralar bilan xalq o‘rtasidagi ko‘prik vazifasini o‘tamoqda.
Masalan, deputatning bir kunlik faoliyatiga nazar tashlasak, u saylovchilar murojaati bo‘yicha Sayxunobod tumanidagi “Nurobod” mahalla fuqarolar yig‘inidagi “Namuna” qishlog‘i aholisi bilan muloqotda bo‘ldi. Saylovchilar bilan uchrashuv jarayonida aholi muammolarini o‘rgandi. Ma’lum bo‘lishicha “Namuna” qishlog‘idagi 15 ta xonadonda suv ta’minoti mavjud emas. Bu uylarda istiqomat qiluvchi aholi suvni uzoq masofadan tashib kelib iste’mol qilayotganligi ma’lum bo‘ldi.
O‘rganish natijalariga ko‘ra mutasaddi idora - tuman “Suvoqova” MChJ bosh muhandisi Baxtiyor Meliqulov ishtirokida mazkur hududga yangi suv quvuri yotqizilib, tez kunda aholining toza ichimlik suviga bo‘lgan ehtiyoji qondiriladigan bo‘ldi.
Sayxunobod tumani “Nurobod” mahalla fuqarolar yig‘ini hududidagi
7-sonli umumta’lim maktabining xo‘jalik ishlari bo‘yicha direktor o‘rinbosari Sobir Hudoyberdiyev deputatga maktab hududida ichimlik suvi yo‘qligi, bu esa o‘z navbatida bir qator muammolarni keltirib chiqarayotganligi va mazkur muammoni hal etishda ko‘mak so‘radi. S.Xudoyberdiyevning murojaati ham ijobiy yechim topadigan bo‘ldi. Ya’ni, “Quriltoy” qishlog‘i suv minorasining eski qurilmasi (motori) yangisi bilan almashtirilib, maktabga toza ichimlik suvi chiqariladigan bo‘ldi. Mazkur mahallaning “Parpoto” qishlog‘ida ham toza ichimlik suvi muammosi borligi aniqlandi. Tuman “Suvoqova” MChJ bosh muhandisi B.Meliqulov qishloqdagi suv minorasini ta’mirlash va aholini tez kunda toza ichimlik suviga bo‘lgan ehtiyojini qondirish vazifasini o‘z zimmasiga oldi.
Deputat aralashuvi bilan “Namuna”, ”Quriltoy”, “Parpoto” qishloqlari aholisi hamda 7-sonli umumta’lim maktabi suv bilan ta’minlanadigan bo‘ldi.
Komiljon BURHONOV,
O`zLiDeP Sirdaryo viloyat Kengashi
Siyosiy ta’lim va deputatlik guruhi
bilan ishlash bo‘limi mudiri
Fikringizni qoldiring
O'xshash yangiliklar
-
Qo‘rg‘ontepada qishloq xo‘jaligiga mo‘ljallangan yerlardan samarali foydalanish holati tahlil qilindi
26.01.2024, 16:23
-
Deputat ko‘magida aholi xonadonlariga ichimlik suvi yetib bormoqda
26.01.2024, 11:59
-
Deputatlik eshituvi tanqidiy-tahliliy ruhda o‘tdi
26.01.2024, 11:58
-
Boshqarma boshlig‘ining hisoboti eshitildi
25.01.2024, 15:34
-
Zominlik deputatlar tuman elektr tarmoqlari korxonasi rahbarining hisobotini eshitdilar
23.01.2024, 15:15
Bildirilgan fikrlar
Shahboz2021-03-03 17:01:50
Ehe sal kam yarim til o'tib ketibti, ishlar bittimi?