Yurtboshimizning “Deputatlar xalq bilan bevosita muloqot qilib, ularning muammolarini hal qilish choralarini ko‘rishi zarur”,  degan da’vati O‘zLiDeP deputatlari uchun muhim dasturilamal bo‘lib xizmat qilmoqda.

Yaqinda bir guruh partiya faollari va deputatlar Konimex tumani aholisining muammolarini o‘rganish maqsadida sayyor uchrashuv tashkil etdi.

Muloqot davomida deputatlarga tumanning “Navro‘z” va “Do‘stlik” mahalla fuqarolar yig‘inida istiqomat qilayotgan aholi termit zararkunandasidan aziyat chekayotgani haqida shikoyat kelib tushdi.

O‘rganishlar jarayonida termitlar aholi xonadonlari va ekinlariga zarar yetkazayotgani va zararkundalarning tarqalish xavfi ortib borayotgani aniqlandi. Natijada ushbu masala Xalq deputatlari Navoiy viloyati Kengashidagi O‘zLiDeP deputatlik guruhining 2017 yil 3 noyabrdagi deputatlik guruhi yig‘ilishida ko‘rib chiqildi. Yig‘ilishda Konimex tuman “Navro‘z” va “Do‘stlik” mahalla fuqarolar yig‘inida yuzaga kelgan epidemiologik vaziyatni yaxshilash borasida partiyaning Oliy Majlis Qonunchilik palatasidagi fraksiyasi orqali respublikaning tegishli vazirlik va idoralariga murojaat etish to‘g‘risida qaror qabul qilindi.

Sodiqjon SAIDOV,

O‘zLiDeP Siyosiy Kengashi Ijroiya qo‘mitasi

deputatlik birlashmalari bilan ishlash bo‘limi xodimi

O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!