Sektor rahbariga nega tanbeh berildi?

15.03.2021, 12:26

Sektor rahbariga nega tanbeh berildi?

Oliy Majlis Qonunchilik palatasi Spiker o‘rinbosari, O’zLiDeP  fraksiyasi rahbari Aktam Xaitov Navoiy viloyatida uchrashuvlari davomida Navbahor tumanining “Toshrabot” MFY hududidagi Navoiy “Ko‘hinur taraqqiyoti” fermer xo‘jaligida ham bo‘ldi. O’zbekiston Fermer, dehqon xo‘jaliklari va tomorqa yer egalari Kengashi, Yoshlar ittifoqi va  O’zbekiston Liberal-demokratik partiyasi, Navbahor tuman hokimligi   hamkorligida “temir daftar”ga kiritilgan ishsiz yoshlar bandligini taminlash maqsadida 13 nafar yoshga ajratilgan 25 sotixdan yer maydonlari o‘z egalariga topshirilishi jarayonida ishtirok etdi.

Fraksiya rahbari “Har bir yoshga bir gektar” loyihasi asosida tashkil etilgan ushbu yer berish tadbirida har bir yosh bilan birma-bir suhbat o‘tkazib, ularning oilaviy ahvoli, berilayotgan yerga ehtiyoji bor-yo‘qligini tekshirib ko‘rdi. O’rganishlar jarayonida  kichik tadbirkorlik do‘koniga ega bo‘lgan qiz va singlisining nomiga yer olayotgan yigit uchun sektor rahbari, tuman IIB boshlig‘i F. Berdiyevga qattiq tanbeh berdi va yerni boshqa imkoniyati yo‘q odamlarga berish keraklini, yerga egalik qiluvchining ijtimoiy ahvoli, oilaviy sharoiti puxta o‘rganilmaganligini tanqid qildi.

Shuningdek, 25 sotix yerni bir kishiga ajratmasdan, yer oluvchining imkoniyatlarini  birinchi o‘rinda  hisobga olish kerakligi, balki 13 kishiga emas, 26 kishiga 10-15 sotixdan yer berib, ko‘proq yoshlar bandligini ta’minlashga erishish maqsadga muvofiq ekanligini ta’kidladi.

Spiker o‘rinbosari yer berilgan yoshlarning maqsadlari bilan qiziqdi va  yerdan samarali foydalanish bo‘yicha  alohida tavsiyalar berdi.

O’zLiDeP Navoiy viloyat Kengashi

matbuot xizmati

  • Ko'rildi
    84
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Shohruh2021-03-15 14:18:45

Zo‘r ishlaringizga omad


Fikringizni qoldiring

+