Hunarmandchilikda Furqat tumani maktabi yaratilmoqda
19.05.2021, 09:22
Oliy Majlis Qonunchilik palatasi Spikeri oʻrinbosari, OʼzLiDeP fraksiyasi rahbari Aktam Xaitov tadbirkorlik subyektlari, fermer xoʻjaliklari va tomorqa egalarining faoliyati bilan tanishish, ularga amaliy koʻmak berish maqsadida Fargʻona viloyatida boʻlib turibdi.
Spiker oʻrinbosari Furqat tumanidagi «Usta Yusufjon naqqosh» oilaviy korxonasi usta naqqoshi, Oʻzbekiston Xalq ustasi Muhamadali Yunusov ustaxonasida qoʻl mehnatiga asoslangan mahsulot tayyorlash jarayoni, hunarmandchilik namunalarini koʻzdan kechirdi.
Xalq ustasi tomonidan milliy yogʻoch oʻymakorligi sanʼatini tiklash va avlodlarga yetkazish maqsadida “ustoz-shogird” anʼanalarini davom ettirishga alohida eʼtibor qaratilmoqda. Ustaning yuzdan ziyod shogirdlari milliy yogʻoch oʻymakorligi hunarini miridan-sirigacha oʻrganib, hunarimiz bilan bogʻliq har ishning ustasi sifatida mustaqil faoliyat yuritishyapti.
– Hunarmandchilikda Samarqand, Xorazm, Toshkent va Qoʻqon maktabi bor edi. Yaʼni uslubi jihatida bu maktablarning hunarmandchilik ishlari ajralib turardi. Bugun hech shubhasiz aytamanki, Furqat tumani maktabi ham yaratilmoqda. Boisi Prezidentimiz tashabbusi bilan tumanimizda yangi hunarmandchilik maktabi yaratilmoqda. Bu maskan tez fursatlarda ishga tushadi. Bu yerda ming nafardan ziyod yosh hunarmandlar kamol topadi, – deydi usta hunarmand M.Yunusov.
Aktam Xaitov usta bilan suhbatlasharkan, bugungi kunda barcha soha va tarmoqlar qatori hunarmandchilik yoʻnalishida ham olib borilayotgan islohotlar zamirida qadri ketmas qadriyatlarimizni tiklash, yoshlarni hunarli qilish va ularni ish bilan taʼminlash kabi vazifalar ustuvor ekanligiga alohida urgʻu berildi.
Shohsulton Toʻxtamatov,
OʻzLiDeP Fargʻona viloyati
Kengashi matbuot kotibi.
O'xshash yangiliklar
-
Davlat dasturidan kelib chiqadigan partiya va fraksiya oldidagi vazifalar muhokama qilindi
26.02.2024, 21:34
-
Deputat maktab kutubxonasiga 100 dan ortiq badiiy asarlar va adabiyotlar tuhfa qildi
14.02.2024, 17:25
-
Muhim va ustuvor vazifalar belgilab olindi
31.01.2024, 17:53
-
“Ayollar daftari” bilan manzilli ishlashning shaffof mexanizmi yaratiladi
30.01.2024, 12:29
-
Deputat jarqo‘rg‘onlik tadbirkorlar muammosini o‘rgandi
30.01.2024, 10:11
Fikringizni qoldiring