Saylov kampaniyasida eng muhim jarayon siyosiy partiyaning o‘z nomzodni ro‘yxatga olinishi uchun saylovchilarni imzolarini to‘plash va ularni tekshirish jarayoni hisoblanadi.

O’zbekiston Respublikasi Prezidentligiga ko‘rsatilgan nomzodni qo‘llab-quvvatlovchi imzolarni to‘plash va imzo varaqalari to‘g‘ri to‘ldirilganligini tekshirish tartibi Markaziy saylov komissiyasining Nizomi asosida tartibga solinadi.

O’zbekiston Respublikasi Saylov kodeksining 14 va 16-moddalariga muvofiq, O’zbekiston Respublikasi Markaziy saylov komissiyasining 2021 yil 14 apreldagi 1067-sonli Qarori bilan tasdiqlangan “O’zbekiston Respublikasi Prezidentligiga ko‘rsatilgan nomzodni qo‘llab-quvvatlovchi imzolarni to‘plash va imzo varaqalari to‘g‘ri to‘ldirilganligini tekshirish tartibi to‘g‘risidagi nizom” talablariga muvofiq saylovda ishtirok etishga ijozat berilgan siyosiy partiya O’zbekiston Respublikasi Prezidentligiga ko‘rsatilgan nomzodni qo‘llab-quvvatlab O’zbekiston Respublikasi jami saylovchilarining umumiy soni kamida bir foizini imzosini to‘plashi kerak. Shundan kelib chiqib, Samarqand viloyatida umumiy saylovchilar soni 2 376 413 nafarni tashkil etib, kamida 23 764 nafar saylovchining nomzodni qo‘llab-quvvatlovchi imzolari yig‘ilishi lozim.

Ayni paytda Samarqand viloyatining barcha tuman va shaharlarida bu jarayon qizg‘in boshlab yuborildi.

  Nasiba Mo‘minova 

O’zLiDeP Samarqand viloyat Kengashi

bo‘lim mudiri