Buvayda tumanidagi “Megapark” istirohat bog‘ida O’zLiDeP Farg‘ona viloyati Kengashi tashabbusi bilan «Yangi O’zbekistonda erkin va farovon yashaylik!» shiori ostida ommaviy tadbir bo‘lib o‘tdi.

Unda Oliy Majlis Qonunchilik palatasi deputatlari Mavluda Ibragimova hamda Bahromjon Rahmonaliyev qatnashdilar. Ular tadbirda so‘zga chiqishib, mustaqilligimizning 30 yilligi bilan barchani tabriklar ekan, sohalarda olib borilayotgan olamshumul islohotlar haqida to‘xtaldilar.

Shuningdek, tadbirda ishtirok etgan nuroniylar ham so‘z olishib, yurtimizda amalga oshirilayotgan islohotlar har bir fuqaro o‘z hayotida sezayotganini ta’kidladilar.

Tumandagi sportchi yoshlarning chiqishlari va xushovoz xonandalarning diltortar taronalari kechaga yanada fayz ulashdi.

Sh.To‘xtamatov,

O’zLiDeP Farg‘ona viloyati Kengashi

matbuot kotibi.