Dushanov Yashin Ravshanovich 1979 yilda Navoiy viloyatining Navbahor tumanida ziyoli oilasida dunyoga kelgan. Navbahor tumanidagi o‘rta maktabni tamomlagach, Navbahor tumanidagi “Tabiat” korxonasida ish yurituvchi mutaxassasis, keyinchalik viloyat Tabiatni muhofaza qilish qo‘mitasida nazoratchi-huquqshunos lavozimlarida faoliyat ko‘rsatgan. 2003 yilda Toshkent davlat yuridik institutini, 2011 yilda esa O‘zbekiston Respublikasi Prezidenti huzuridagi Davlat va jamiyat qurilishi akademiyasini bitirgan. Ma’lumoti bo‘yicha mutaxassisligi huquqshunos. 2003-2010-yillarda Navoiy viloyat adliya boshqarmasida yetakchi maslahatchi lavozimidan Tadbirkorlar huquqlarini himoya qilish bo‘limi boshlig‘i lavozimigacha bo‘lgan vazifalarni bajargan. 2012-2013-yillarda Navoiy viloyat hokimligida turli xil mas’ul lavozimlarni egallagan. 2013 yildan 2016 yilgacha O‘zbekiston Respublikasi Xususiylashtirish, monopoliyadan chiqarish va raqobatni rivojlantirish davlat qo‘mitasi Navoiy viloyat hududiy boshqarmasi boshlig‘i lavozimida faoliyat yuritgan. Hozirda Navoiy viloyat hokimligida Kotibiyat mudiri lavozimida faoliyat ko‘rsatib kelmoqda. 2006 yilda “O‘zbekiston Respublikasi mustaqilligiga 15 yil”, 2011 yilda esa “O‘zbekiston Respublikasi mustaqilligiga 20 yil” esdalik nishonlari bilan taqdirlangan.