Oliy Majlis Qonunchilik palatasi deputatligiga nomzod M.Baratova, mahalliy Kengash deputatligiga O‘zLiDePdan ko‘rsatilgan nomzodlar J.Matniyozov va M.Ishxodjayevalarning “Ko‘kakldosh” hamda “M.Ulug‘bek” mahallalari faollari bilan uchrashuv o‘tkazdilar.

Tadbirda so‘zga chiqqan M.Baratova saylovoldi dasturidan o‘rin olgan xalqimiz turmush farovonligini oshirish, hududlarni ijtimoiy-iqtisodiy rivojlantirish, ta’lim, sog‘liqni saqlash, jismoniy tarbiya va sport sohalarini taraqqiy ettirish bo‘yicha kelgusi besh yilda bajarilishi lozim bo‘lgan dolzarb vazifalar yuzasidan o‘z fikr-mulohazalarini bayon etdi.

Uchrashuvida so‘z olgan mahalliy kengash deputatligiga nomzod J.Matniyozov O‘zLiDeP ning Saylovoldi dasturidagi 5 maqsad va 500 vazifa kelgusi 5 yil davomida mamlakatimiz iqtisodiyotini mustahkamlash, tadbirkorlikni rivojlantirish orqali kambag‘allikni qisqartirishda muhim ahamiyatga ega ekanligini tilga olib o‘tdi.

Uchrashuv ishtirokchilariga partiyaning saylovoldi targ‘ibot materiallari tarqatilib, ularni joriy yilning 27 oktyabrida bo‘lib o‘tadigan saylovlarda O‘zLiDeP va uning nomzodlari uchun ovoz berishga chaqirmoqdalar.