Gender tenglik va ayollar faolligi muhokama qilindi

“Xalq bilan birga” umummilliy dasturi doirasida O‘zLiDeP Toshkent shahar Kengashi tomonidan Mirzo Ulug‘bek nomidagi O‘zbekiston milliy universitetida davra suhbati o‘tkazildi.

Tadbir “Gender tenglikni ta’minlash va xotin-qizlarning siyosiy partiyalar faoliyatidagi ishtirokini qo‘llab-quvvatlash” mavzusiga bag‘ishlandi. Suhbat davomida xotin-qizlarning jamiyat va davlat boshqaruvidagi o‘rni, ularning siyosiy jarayonlardagi faolligini oshirish masalalari muhokama qilindi.

Shuningdek, mamlakatimizda gender tenglikni ta’minlash borasida amalga oshirilayotgan islohotlar va ayollar uchun yaratilayotgan imkoniyatlar haqida fikr almashildi.