“O‘zLiDePda mehmonda” loyihasi o‘tkazildi
Navbatdagi ochiq-muloqotga Mirzo Ulug‘bek nomidagi O‘zbekiston milliy universiteti Siyosiy fanlar doktori (DSc) professor Kamoliddin Miraahmedov hamda Toshkent davlat transport universiteti Siyosiy fanlar nomzodi (DSc) dotsent Barxayotjon Abdullayev taklif etildi.
“Yoshlarning siyosiy jarayonlarda ishtirokining konseptual asoslari” mavzusida o‘tkazilgan uchrashuvda partiya vakillari hamda talaba-yoshlar ishtirok etdi.
Muloqot davomida O‘zbekistonda ijtimoiy-iqtisodiy, siyosiy va boshqa sohalarda amalga oshirilayotgan islohotlarning mazmun mohiyati va ularda yoshlar ishtirokining ahamiyati shuningdek, iqtisodiy islohotlar va tadbirkorlikni qo‘llab-quvvatlashda O‘zLiDeP tomonidan amalga oshirilayotgan samarali loyihalar hamda saylovoldi dasturida belgilangan muhim vazifalar muhokama qilindi.
