O‘zLiDePning “Xalq bilan birga” umummilliy dasturi doirasida Qarshi tumanida navbatdagi sayyor qabul tashkil etildi.

Qabulda 230 nafar fuqaro ishtirok etib, 70 ga yaqin murojaat ko‘rib chiqildi. Shundan 32 tasi joyida ijobiy hal etildi, qolgan murojaatlar yuzasidan mas’ul tashkilotlarga topshiriqlar berilib, ijrosi nazoratga olindi.

Sayyor qabul davomida 1 nafar fuqaro ish bilan ta’minlandi, 8 ta oilaga imtiyozli kredit olishda ko‘mak berildi, 3 nafar yoshning bandligi ta’minlandi, 7 ta ehtiyojmand oilaga oziq-ovqat va dori-darmon yetkazildi.

Shuningdek, elektr ta’minoti, yo‘llarni ta’mirlash, bandlik va oilaviy tadbirkorlikni rivojlantirish bilan bog‘liq masalalar yuzasidan aniq vazifalar belgilandi. Har bir murojaat nazoratga olinib, ularga amaliy yechim topish choralari ko‘rilmoqda.