Ellikqal’alik ehtiyojmand oilalarga manzilli yordam körsatiladi
Ellikkala tumanida “Xalq bilan birga” umummilliy dasturi doirasida ötkazilgan taqdimot tadbiri aholi bilan işlaşning yangi bosqiçini belgilab berdi. Unda dasturning mazmun-mohiyati keng jamoatçilikka yetkazilib, ijtimoiy himoyaga muhtoj qatlamlarni qöllab-quvvatlaş, kambağallikni qisqartiriş va manzilli işlaş tizimini yölga qöyiş kabi ustuvor vazifalar muhokama qilindi.
Tadbir davomida “Yurakka yöl” aksiyasi orqali uyma-uy yuriş, aholi muammolarini joyida örganiş, mobil ştablar va sayyor qabullar taşkil etiş masalalariga alohida e’tibor qaratildi. Şuningdek, “Mahalla yettiligi” va ijtimoiy xizmatlar bilan hamkorlikni kuçaytiriş orqali ehtiyojmand oilalarni aniqlaş va ularga manzilli yordam körsatiş mexanizmlari belgilab olindi.
Yiğilişda yoşlar va xotin-qizlarni faol jalb etiş, zamonaviy axborot texnologiyalari orqali aholi bilan muloqotni kuçaytiriş vazifalari ham belgilandi. Tadbir yakunida iştirokçilar dasturni töliq qöllab-quvvatlab, uni amalga oşirişda faol iştirok etişga tayyor ekanliklarini ta’kidlab, hududda ijtimoiy muammolarni öz vaqtida hal etişga qaratilgan aniq rejalarni belgilab oldilar.