Qonun ijodkorligi va parlament nazoratida muhim yondaşuv
Siyosiy partiyalarning Oliy Majlis Qonunçilik palatasidagi fraksiyalarining yiğilişlari bölib ötdi. Ularda quyi palataning navbatdagi majlisi kun tartibiga kiritilişi rejalaştirilayotgan qator qonun loyihalari atrofliça körib çiqildi.
Tadbirkorlar va işbilarmonlar harakati — Özbekiston Liberal-demokratik partiyasi hamda “Milliy tiklaniş” demokratik partiyasi fraksiyalari örtasida taşkil qilingan “Taraqqiyot bloki”ning ilk yiğilişida dastlab Hisob palatasining 2024-yildagi faoliyati töğrisidagi hisoboti körib çiqildi.
Ta’kidlanganidek, Hisob palatasi öz faoliyatini “Özbekiston Respublikasining Hisob palatasi töğrisida”gi Qonun talablari va asosiy prinsiplariga muvofiq amalga oşirib kelmoqda. Bu jarayonda palata faoliyatini avvalgi moliyaviy tekşiriş prinsiplaridan yangiça, xalqaro standartlar asosidagi audit ötkazişga qaratib, davlatning professional xulosa beruvçi va baholovçi audit organi sifatida qayta şakllantirdi.
Hisobot bilan batafsil tanişgan deputatlar özlarini qiziqtirgan savollarni örtaga taşladi. Jumladan, “Milliy tiklaniş” DP fraksiyasi a’zosi Bekmirza Eşmurzayev partiya ğoyalaridan kelib çiqib, oliy ta’lim bilan boğliq masalani kötardi.
Deputat vazirlik tomonidan aynan uşbu masalalar yeçimi böyiça aniq qanday işlarni amalga oşiriş reja qilinayotgani bilan qiziqdi.
Şu va boşqa savollarga tegişli javoblar berilgaç, Hisob palatasining 2024-yildagi faoliyati bilan boğliq masala qöllab-quvvatlandi.
Şundan söng kun tartibiga kiritilgan qonun loyihalari ham atrofliça muhokama qilindi.