Nukus shahrida yoshlar ishtirokida uchrashuv o‘tkazildi. Tadbir Yoshlar markazi va Yoshlar texnoparki hamkorligida, partiyaning “Yoshlar muammolarini o‘rganish va tadbirkorlikni qo‘llab-quvvatlash” bo‘limi tomonidan tashkil etildi.

Ishtirokchilarga partiya faoliyati, yoshlar siyosati va ular uchun yaratilayotgan imkoniyatlar haqida ma’lumot berildi. Shuningdek, yosh tadbirkorlar uchun grantlar, startaplar va imtiyozli kredit dasturlari taqdim etildi.

Uchrashuvda yoshlar g‘oya va takliflari bilan o‘rtoqlashib, tengdoshlari loyihalari bilan tanishdilar. Partiya vakillari yoshlarning tashabbuslarini har tomonlama qo‘llab-quvvatlashga tayyor ekanliklarini bildirdi.