O‘zLiDeP yetakchisi fermerlarning o‘zaro tajriba almashish taklifini qo‘llab-quvvatladi
Jizzax viloyatidagi paxtakorlar Chin o‘lkasidan keltirilgan serhosil chigit urug‘ini ekishni boshladilar. Ushbu yangilik samaradorligi, yig‘im-terim jarayoni va fermerlar faoliyati bilan tanishish maqsadida Oliy Majlis Qonunchilik palatasidagi O‘zLiDeP fraksiyasi rahbari Aktam Xaitov Sharof Rashidov tumanida bo‘ldi.
Abdunabi Abdurahimov boshchiligidagi “Qo‘rg‘ontepa” fermer xo‘jaligida bo‘lib o‘tgan muloqot chog‘ida tumanda agrar sohada yo‘lga qo‘yilayotgan ilg‘or usullar, ularning afzalliklari va to‘planayotgan tajribalarni ommalashtirish masalalari muhokama qilindi. Yangilikdan cho‘chimaslik, zamonaviy texnologiyalarni o‘zlashtirish hisobiga hosildorlikni bir necha baravar oshirish mumkinligi ta’kidlandi.
Muloqot davomida fermerlar o‘z fikr va takliflarini bildirdilar. Xususan, yangi urug‘lar sinab ko‘rilayotgan va yangicha ish usullari joriy etilayotgan hududlarda fermerlar uchun maxsus o‘quvlar tashkil qilish taklifi bildirildi va u O‘zLiDeP yetakchisi tomonidan qo‘llab-quvvatlandi.
Markaziy Osiyo – Rossiya: strategik sheriklik va istiqbolli hamkorlik sari yangi qadamlar
O'zLiDeP deputati imkoniyati cheklangan bolalarni qo‘llab-quvvatlash tizimi bilan tanishdi
OʻzLiDeP tashabbusi bilan "Bepul tibbiy ko‘rik" aksiyasi tashkil qilinmoqda
Nishonlik fermer dronlar yordamida paxta dalalariga kimyoviy ishlov berishni ommalashtirish bo‘yicha taklif berdi
