Asosiy kontentga o‘tish
Yakshanba 22-noyabr 2026-yil
Biz ijtimoiy tarmoqlarda:
Virtual qabulxona
0
Virtual qabulxona
Xayriya qiliş

ÖzLiDeP: yoşlar taşabbuslari e’tirof etilmoqda

25.02.2026
666

ÖzLiDeP Qoraqalpoğiston Respublikasi Kengaşi taşabbusi bilan Nukus yoşlar texnoparkida “Kreativ tadbirkor yoşlar” loyihasi doirasida tadbir taşkil etildi.

Unda partiya faollari va deputatlar yoşlarning startap loyihalari, innovasion işlanmalari va tayyor prototiplari bilan yaqindan tanişdi. Yoşlar öz ğoyalari orqali zamonaviy tadbirkorlik muhitiga mos bilim va könikmalarini namoyon etib, hududda innovasion ekotizim şakllanayotganini yana bir bor isbotladi.

Taqdim etilgan loyihalar orasida suv resurslaridan oqilona foydalanişga qaratilgan “AQUA LOOP” startapi iştirokçilarda katta qiziqiş uyğotdi. Loyiha muallifi Bibinur Bazarbayeva tomonidan işlab çiqilgan uşbu mexanizm idiş yuviş, kir yuviş va duşdan çiqqan suvlarni yiğib, filtrdan ötkazgan holda hojatxona tizimiga yönaltiriş orqali içimlik suvini tejaş imkonini beradi. E’tiborli jihati şundaki, uşbu tizim elektr energiyasisiz işlaydi va ekologik barqarorlikni ta’minlaşga xizmat qiladi.

Şuningdek, tadbirda plastik çiqindilarni qayta işlaş asosida kreslolar işlab çiqariş loyihasi ham taqdim etildi. Uşbu taşabbus nafaqat atrof-muhit muhofazasiga hissa qöşadi, balki arzon va sifatli mebel işlab çiqariş orqali yangi iş örinlari yaratiş imkonini ham beradi.

Tadbir iştirokçilari orasida Semyon Şuçkin tomonidan işlab çiqilgan “STuDy” platformasi ham alohida e’tiborga sazovor böldi. Mazkur platforma sun’iy intellekt asosida foydalanuvçining bilim darajasi, muloqot tili va ta’lim afzalliklarini hisobga olgan holda avtomatik tarzda individual öquv kurslarini şakllantiradi. Bu esa qisqa vaqt içida samarali bilim oliş va könikmalarni rivojlantiriş imkonini yaratadi.

Tadbir davomida deputatlar yoş tadbirkorlar uçun yaratilgan imtiyozlar, grant dasturlari va amaliy qöllab-quvvatlaş mexanizmlari haqida batafsil ma’lumot berdi. Yoşlar esa özaro tajriba almaşiş, hamkorlik aloqalarini yölga qöyiş va kelgusida qöşma loyihalarni amalga oşiriş böyiça kelişuvlarga erişdilar.

Bugungi kunda ÖzLiDeP tomonidan yoşlarning tadbirkorlik taşabbuslarini qöllab-quvvatlaş, innovasion ğoyalarni amaliyotga joriy etiş va ularni iqtisodiy faollikka keng jalb etişga qaratilgan işlar izçil davom etmoqda.

“Kreativ tadbirkor yoşlar” loyihasi esa ana şu sa’y-harakatlarning amaliy ifodasi bölib, yoşlarning intellektual salohiyati va taşabbuskorligini röyobga çiqarişda muhim platforma vazifasini bajarmoqda.

Saytni yangi dizayni yoqdimi?