Qo‘ng‘irotlik 20 nafar ishbilarmon ayol tuman bosqichida o‘zaro bellashdilar
O‘zLiDeP tashabbusi bilan Qo‘ng‘irot tumanida “Mahallaning ishbilarmon ayoli” ko‘rik-tanlovining tuman bosqichi bo‘lib o‘tdi. Unda 20 ga yaqin tadbirkor xotin-qizlar ishtirok etib, o‘z mahsulotlari, hunarmandchilik namunalari va biznes tajribalarini namoyish etdilar.
Tanlov yakunlariga ko‘ra, Reymova Shaxlo 1-o‘rinni, Abdullayeva Nasiba 2-o‘rinni, Adilbekova Dinara esa 3-o‘rinni egalladi. Gʻoliblar munosib taqdirlandi, 1-o‘rin sohibasi respublika bosqichiga yo‘llanmani qo‘lga kiritdi.
Mazkur tanlov xotin-qizlarni tadbirkorlikka keng jalb etish, ularning tashabbuslarini qo‘llab-quvvatlash va bandligini ta’minlashga xizmat qilmoqda.
