“Tadbirkorlardan bolajonlarga” aksiyasi: Qibrayda bolajonlarga quvonch ulashildi
Qibray tumanida O‘zbekiston Liberal-demokratik partiyasi tomonidan amalga oshirilayotgan “Tadbirkorlardan bolajonlarga” xayriya aksiyasi doirasida ezgulik va saxovatga boy tadbir o‘tkazildi. Bunyodkor mahallasidagi 8-sonli davlat maktabgacha ta’lim tashkilotida tashkil etilgan tadbirda partiya vakillari, deputatlar, tadbirkorlar hamda mahalla faollari ishtirok etib, bolajonlarga mehr va e’tibor ulashdilar.
Tadbir davomida tarbiyalanuvchilar bilan samimiy muloqot qilinib, ularning tayyorlagan quvnoq chiqishlari tomosha qilindi. Bolalarga esdalik sovg‘alari, shirinliklar va muzqaymoqlar tarqatilib, ularning beg‘ubor tabassumlari tadbirga o‘ziga xos fayz bag‘ishladi.
Bunday xayrli tashabbuslar yosh avlodga g‘amxo‘rlik ko‘rsatish, tadbirkorlarning ijtimoiy mas’uliyatini oshirish va jamiyatda mehr-oqibat, saxovat hamda insonparvarlik muhitini mustahkamlashga xizmat qilmoqda. “Tadbirkorlardan bolajonlarga” aksiyasi orqali yurtimizning turli hududlarida bolalar qalbiga quvonch va iliqlik ulashishdek ezgu ishlar izchil davom etmoqda.
O‘zLiDeP raisi o‘rinbosari tomonidan Uchtepa tumanidagi 12 ta mahalladan ko‘tarilgan muammolar hal qilindi
Tadbirkorlar kiberxavfsizlik bo‘yicha bilimlarini oshirmoqda
Gʻallaorolda xotin-qizlar uchun bepul tibbiy ko‘rik tashkil etildi
O‘zLiDeP deputati ta’lim dargohiga 300 dona kitob sovg‘a qildi
