O‘zLiDeP rahbari Aktam Xaitov ishtirokidagi saylovchilar va elektorat vakillari bilan navbatdagi uchrashuv Termiz davlat universitetida o‘tkazildi. Oliy Majlis Qonunchilik palatasi hamda mahalliy Kengashlar deputatligiga ko‘rsatilgan nomzodlarimiz partiyamiz saylovoldi dasturidagi ustuvor yo‘nalishlar bilan tanishtirb o‘tdilar.

Xususan, oliy ta’lim muassasalariga qamrov kelgusi 5 yilda 50 foizga yetkazish, ilmiy salohiyatni 70 foizga chiqarish, ilmiy xodimlarning maoshini 2 baravarga oshirishni maqsad qilganmiz. Shuningdek, kelgusi yillarda oliygohlar uchun 120 ming o‘rinli o‘quv binolari, 150 ming o‘rinli talabalar turar joylarini qurish borasidagi vazifalar ijrosini nazoratga olinishini ta’minlashga erishiladi.

Partiyamiz “Har bir oila o‘z uyiga ega bo‘lsin!” degan shiorni amalga tatbiq etadi. Binobarin, hayotga kirib kelayotgan yosh oilalar birinchi navbatda o‘z uyiga ega bo‘lishi lozim. Bizning maqsadimiz kelgusi yillarda qo‘shimcha uy-joy qurilishi sohasiga 15 milliard dollar mablag‘ni yo‘naltirish orqali 1 million xonadonli uy-joylar qurilishiga erishishga qaratilgan.

Uchrashuvda so‘zga chiqqan universitet o‘qituvchilari hamda talaba-yoshlar partiya dasturidagi vazifalarni qo‘llab-quvvatlashdi.

Saylovoldi uchrashuvdan so‘ng Termiz davlat universitetida yangi barpo etilgan Ilmiy-tadqiqot markazi bilan tanishildi.

Mazkur maktabda bugun 9 ta yo‘nalishda ilmiy laboratoriya tadqiqotlari olib borilmoqda. Eng so‘ngi laboratoriya jihozlariga ega markazda universitetdagi tayanch doktorantura mutaxassisligida tahsil olib, ilmiy izlanish olib borayotgan yosh tadqiqotchilar yangi loyihalar ustida ish olib borishmoqda.