Gʻijduvonda 150 nafar xotin-qiz mehnat qilayotgan tikuv syexida yangi BPT tuzildi
Gʻijduvon tumanidagi “Ortiq Dilnavoz” MCHJga qarashli tikuv syexida O‘zLiDePning yangi boshlang‘ich partiya tashkiloti tashkil etildi.
Bugungi kunda mazkur korxonada 150 nafar xotin-qiz doimiy ish bilan ta’minlangan bo‘lib, zamonaviy tikuv uskunalari yordamida kunlik minglab mahsulotlar ishlab chiqarilmoqda.
Tadbir davomida partiyaning amaliy loyihalari va tashabbuslari haqida ma’lumotlar berildi. Shuningdek, bir guruh korxona xodimlari partiya a’zoligiga qabul qilinib, ularga partiya guvohnomalari topshirildi.
Yig‘ilish yakunida korxona rahbari Dilnavoz Saidova yangi tashkil etilgan boshlang‘ich partiya tashkiloti raisi etib saylandi.
