Yangibozorda “Bir kunda — 1000 kitob” aksiyasi ötkazildi
ÖzLiDePning “Xalq bilan birga” umummilliy dasturi doirasida amalga oşirilayotgan “Bir kunda — 1000 kitob” aksiyasi asosida Yangibozor tumani Axborot-resurs markazida ma’naviy-ma’rifiy uçraşuv taşkil etildi.
Tadbirda Özbekiston Yozuvçilar uyuşmasi Xorazm viloyati bölimi vakillari, partiya faollari, deputatlar, xotin-qizlar hamda yoşlar iştirok etib, mamlakatimizda kitobxonlik madaniyatini rivojlantiriş, xotin-qizlarning intellektual salohiyatini yuksaltiriş va ma’naviy tarbiyani kuçaytiriş borasida amalga oşirilayotgan işlar haqida fikr almaşdilar.
Uçraşuv davomida kutubxona fondi badiiy, ilmiy hamda siyosiy-huquqiy adabiyotlar bilan boyitildi. Sovğa qilingan kitoblar xotin-qizlar va yoşlarning bilim oliş imkoniyatlarini kengaytiriş, ularda mutolaaga bölgan qiziqişni yanada oşirişga xizmat qiladi.
Tadbirda milliy adabiyotimiz va ma’naviy merosimizni tarğib qiliş, yoş avlod qalbida milliy qadriyatlarga hurmat tuyğusini mustahkamlaş bilan bir qatorda, mediasavodxonlikni oşiriş, axborot xurujlariga qarşi mustahkam bilim va mustaqil fikr bilan yondaşiş masalalariga ham alohida e’tibor qaratildi.