Матбуот котиблари учун ўқув-семинар бошланди
ЎзЛиДеП томонидан ҳудудий партия ташкилотлари матбуот котиблари учун мобилография бўйича уч кунлик ўқув-семинар ташкил этилди. Семинарнинг асосий мақсади – мобил технологиялардан унумли фойдаланиш ва партия фаолиятини тарғиб қилиш учун визуал контент яратиш кўникмаларини оширишдан иборат.
3 кун давом этадиган ўқув-семинарга тажрибали тренерлар таклиф қилинган.
Улар смартфонлар орқали сифатли фото ва видео контент тайёрлаш, мобил монтаж дастурлари ва график таҳрирлаш иловаларидан фойдаланиш ҳамда ижтимоий тармоқлар орқали самарали тарғибот олиб бориш стратегиялари мавзулари бўйича маърузалар қилишади.
