Ҳозирги кунда Ўзбекистон ва Хитой давлатлараро муносабатларнинг турли соҳаларида самарали мулоқотни янада кенгайтиришда давом этмоқда. Мамлакатларимиз ўртасида турли соҳалар, жумладан, инновациялар, яшил энергия, экология, инсон ресурсларини ривожлантириш, илмий тадқиқотлар ва бошқа йўналишларда кўплаб келишувлар мавжуд.

Таъкидлаш жоизки, ХХРнинг Ўзбекистонга киритган сармояси 25 миллиард долларга етди, бу эса мамлакат иқтисодиётига ишонч тобора ортиб бораётгани ва мамлакатимиз Марказий Осиёдаги асосий стратегик шерик сифатида тан олинаётганидан далолатдир. Ушбу келишувлар ва инвестициялар нафақат иқтисодий муносабатларни мустаҳкамлайди, балки Ўзбекистонга юртимизнинг узоқ муддатли барқарор иқтисодий ривожланиш мақсадларига мос келадиган ишлаб чиқариш қувватлари, инфратузилмаси ва транспорт йўлакларини модернизация қилиш имконини беради.  

Буларнинг барчасига икки мамлакат раҳбарлари ўртасидаги юқори даражадаги учрашувлар туфайли эришилди. Шу тариқа, ўтган йилнинг 24 январь куни Шавкат Мирзиёев ва Си Цзиньпин барча соҳаларда ҳар томонлама стратегик шериклик муносабатларини янги босқичда ривожлантиришга қарор қилдилар. Ҳамкорликнинг барча йўналишларини ривожлантириш бўйича юксак даражадаги келишувлар ижроси доирасида Ўзбекистонга Хитой Коммунистик партияси Марказий қўмитаси аъзоси, ХКП Марказий қўмитаси Халқаро бўлим бошлиғи Лю Цзяньчао ташриф буюрди.

Жорий йилнинг 29 март куни O‘zLiDeP Сиёсий Кенгаши Ижроия қўмитаси раиси Актам Хайитов Хитой Коммунистик партияси Марказий қўмитаси аъзоси, ХКП Марказий қўмитаси Халқаро бўлим бошлиғи Лю Цзяньчао билан учрашув ўтказди. Меҳмонлар қаторидан Хитойнинг Ўзбекистондаги Фавқулодда ва Мухтор элчиси Юй Цзун ҳам жой олди.

Меҳмонларга O‘zLiDePнинг фаолияти, партиянинг мамлакатни ислоҳ қилиш жараёни ва “Ўзбекистон – 2030” стратегияси ижросидаги роли ҳақида маълумот берилди. Ўз навбатида, O‘zLiDeP вакиллари ХКПнинг давлатлар билан дўстона муносабатларни йўлга қўйиш соҳасидаги сиёсати билан таништирилди.

Суҳбат чоғида ХКП вакилининг ушбу ташрифи партиялар ўртасидаги ҳамкорликни муваффақиятли ривожлантиришнинг муҳим кўрсаткичи эканлиги қайд этилди. Таъкидлаш жоизки, O‘zLiDeP ва ХКП ўртасидаги муносабатлар мустаҳкам асосга эга. Масалан, ЎзЛиДеП делегацияси ХКПнинг “ХКП ва хорижий мамлакатлар сиёсий партиялари ўртасида юқори даражадаги мулоқот”, “Кучли сиёсий партияни қуриш: муаммо ва истиқболлар” мавзусидаги форумлар, “Хитой-Марказий Осиё” сиёсий партиялар мулоқоти ва бошқа тадбирларда иштирок этган. 

Учрашув доирасида тантанали равишда O‘zLiDeP ва ХКП ўртасида ҳамкорлик тўғрисидаги меморандум имзоланди. Ушбу ҳужжат мамлакатларимиз ўртасидаги барча шароитларда ҳар томонлама стратегик шериклик муносабатларининг таркибий қисми эканлиги қайд этилди.

“Ўзбекистон – 2030” стратегияси ва “Бир макон, бир йул” ташаббусида белгилаб қўйилган вазифалар ижроси, партиялар, жумладан ёшлар ва аёллар қанотлари ўртасидаги мулоқот, партия нашрлари, минтақавий бўлинмалар ва бошқа тузилмалар ўртасидаги алоқаларни кенгайтириш бўйича ҳамкорлик масалалари устувор йуналишлар сифатида қайд этилди.

Тадбир якунида ушбу Меморандум имзоланиши кўп қиррали ҳамкорликнинг асосий вазифаларини амалга оширишда иккала томон учун ҳам янги кун тартибига айланиши таъкидланди.

O‘zLiDeP матбуот хизмати