Ҳурматли Актам Хаитов жаноблари!
Яқинда Ўзбекистонга амалга оширган ташрифимиз чоғида менга ва делегациямизга кўрсатилган юксак даражадаги меҳмондўстлик, шунингдек, йўллаган самимий мактубингиз учун чексиз миннатдорлигимни изҳор этиш мақсадида ушбу хатни йўллаяпман. Учрашувимиз менда ҳам жуда чуқур ва унутилмас таассурот қолдирди, илиқ сўзларингиздан ғоятда хурсанд бўлдим.
Айниқса, Япония Либерал-демократик партияси ва Ўзбекистон Либерал-демократик партияси ўртасида 3 май куни ҳамкорлик меморандуми муваффақиятли имзоланганидан жуда мамнунман. Ушбу тарихий воқеа Ўзбекистон халқи ва партия тарафдорлари орасида ижобий муносабат уйғотганини эшитиш мен учун катта қувончдир.
Мазкур келишув ўзаро ҳурмат, ишонч ва стратегик шерикликка асосланган Ўзбекистон – Япония муносабатларини янада мустаҳкамлаш йўлидаги муҳим бурилиш нуқтаси бўлгани ҳақидаги фикрингизга тўлиқ қўшиламан. Партияларимиз ҳамкорликда икки давлат ўртасидаги кўп қиррали алоқаларни янада ривожлантиришга хизмат қиладиган салмоқли ва самарали қўшма лойиҳаларни амалга оширишига ишончим комил.
Менинг самимий саломимни ва энг эзгу тилакларимни партиянгиз раҳбарияти ҳамда аъзоларига, шунингдек, Ўзбекистон халқига етказишингизни сўрайман.
Партияларимиз ўртасидаги мустаҳкам шерикликни ривожлантириш йўлида сиз билан яқиндан ҳамкорлик қилишни астойдил кутиб қоламан.

Самимият ила,
КОНО Таро,
Япония Вакиллар палатаси депутати,
Япония Либерал-демократик партиясининг
Халқаро бюроси бош директори