O‘zLiDePнинг “Халқ билан бирга” умуммиллий дастури ҳамда “Маҳалланинг ишбилармон аёли” лойиҳаси доирасида Чироқчи туманида “Ишбилармон аёл–2026” танловининг туман босқичи бўлиб ўтди.

Танловда тадбиркорлик, ҳунармандчилик ва фермерлик соҳаларида фаолият юритаётган хотин-қизлар ўз ютуқлари ва тажрибаларини намойиш этди. Улар янги иш ўринлари яратиш, маҳсулот ишлаб чиқариш ва хизмат кўрсатишдаги натижалари билан ажралиб турди.

Якуний натижаларга кўра, Феруза Тошқуватова 1-ўрин, Дилфуза Мўминова 2-ўрин ва Покиза Анорбоева 3-ўринни қўлга киритди. Ғолиблар диплом ва эсдалик совғалари билан тақдирланди.

Тадбирда иштирок этган депутатлар хотин-қизларнинг ташаббускорлиги ва меҳнатини юқори баҳолаб, уларга келгуси фаолиятида улкан муваффақиятлар тилади.