Мамлакатимизда хотин-қизларни қўллаб-қувватлаш, уларнинг фаоллигини ошириш, бандлигини таъминлаш ва тадбиркорликка жалб қилиш бўйича кенг чоралар кўрилмоқда.

ЎзЛиДеП Тошкент шаҳар ва Олмазор туман Кенгашлари, туман Оила ва хотин-қизлар бўлими ҳамда "International Express school" ҳамкорлигида “Аёллар тадбиркорлигида маҳорат ва етакчилик кўникмалари” мавзусида семинар-тренинг ўтказилди.

Тадбирда хотин-қизларни бизнес билан шуғулланишлари учун яратиб берилаётган кенг имкониятлар, қонунчиликдаги янгиликлар, қатор имтиёзлар хусусида маълумот бериб ўтилди.

Шунингдек, маҳалла хотин-қизларига замонавий касб-ҳунарга ўқитиш, тадбиркорликка жалб қилиш, ўз бизнесини бошлашда маҳорат ва етакчилик кўникмалари ҳақида ҳам тўхталиб ўтилди.