Бухоро шаҳрида O‘zLiDePнинг «Халқ билан бирга» умуммиллий лойиҳаси доирасида «Ишбилармон аёл–2026» кўрик-танловининг шаҳар босқичи ўтказилди. Танловдан кўзланган асосий мақсад – тадбиркор аёлларни қўллаб-қувватлаш, уларнинг ташаббусларини рағбатлантириш ҳамда хотин-қизларнинг иқтисодий фаоллигини янада оширишдан иборат.

Тадбирда иштирокчиларнинг бизнес лойиҳалари, меҳнат фаолияти ва эришган ютуқлари баҳоланди. Якуний натижаларга кўра, хусусий тиббиёт муассасаси раҳбари Нигина Ҳикматова 1-ўринни, «Омад бахт қувонч» МЧЖ раҳбари Ҳилола Ҳалимова 2-ўринни, кулолчилик ва рассомчилик йўналишида фаолият юритаётган Шаҳло Акрамова эса 3-ўринни қўлга киритди.

Шунингдек, бир қатор иштирокчилар турли номинациялар бўйича тақдирланди. Танлов ғолиб ва совриндорларига O‘zLiDeP Бухоро шаҳар Кенгаши ҳамда ҳамкор ташкилотлар томонидан диплом ва эсдалик совғалари топширилди. Бу каби лойиҳалар хотин-қизларнинг тадбиркорлик салоҳиятини рўёбга чиқариш ва уларни янги ютуқларга илҳомлантиришга хизмат қилмоқда.