O'zLiDeP Урганч шаҳар Кенгаши ташаббуси билан "Najot Ta'lim" ўқув марказида “Креатив тадбиркор ёшлар” лойиҳаси доирасида тадбир ташкил этилди. Унда ёшлар ўз стартап ғоялари, инновацион бизнес лойиҳалари ва ижодий ишланмаларини тақдим этиб, замонавий тадбиркорлик муҳитига мос кўникмаларини намоён қилди.

Тадбир давомида депутатлар ёш тадбиркорлар учун яратилган имтиёзлар, грант дастурлари ва амалий қўллаб-қувватлаш механизмлари ҳақида маълумот берди. Ёшлар эса ўзаро тажриба алмашиб, ҳамкорлик алоқаларини йўлга қўйиш ва келгусидаги қўшма лойиҳаларни режалаштириш имконига эга бўлди.

Шунингдек, робототехника ва IT йўналишида замонавий лабораториялар ташкил этиш, стартапларни молиявий қўллаб-қувватлашни кенгайтириш, менторлик тизимини жорий қилиш ҳамда имконияти чекланган ва қишлоқ ёшларини креатив таълимга кенг жалб этиш бўйича қатор таклифлар илгари сурилди.