“Халқ билан бирга” умуммиллий дастури доирасида Урганч туманида “Маҳалланинг ишбилармон аёли” танлови ўтказилди. Танловда тадбиркорлиги ва ташаббускорлиги билан ажралиб турган Дилнура Атабаева ҳамда Нилуфар Юсупова ғолиб бўлиб, туман босқичига йўлланма олди.

Мевазор маҳалласида фаолият юритаётган Дилнура Атабаева тикувчилик ва ҳунармандчилик йўналишида иш олиб бормоқда. У бугунги кунда 15 нафар хотин-қизни доимий иш билан таъминлаган.

Ёшлик маҳалласи тадбиркори Нилуфар Юсупова эса ширинликлар цехини ташкил этиб, 5 нафар аёлни иш билан таъминлади. Келгусида у фаолиятини янада кенгайтиришни режалаштирмоқда.

Бу каби танловлар хотин-қизларни қўллаб-қувватлаш, уларнинг тадбиркорлик фаоллигини ошириш ва янги иш ўринлари яратишда муҳим аҳамият касб этмоқда.