Бугун ЎзЛиДеП Сиёсий Кенгаши Ижроияқўмитаси ҳамда Олий Мажлис Қонунчиликпалатасидаги Ўзбекистон Либерал-демократикпартияси фракцияси ҳамкорлигида “Инклюзив жамият сари” лойиҳаси ташкилий қўмитасининг йиғилиши бўлиб ўтди.

Лойиҳа жамоат жойларида ногиронлиги бўлганшахсларнинг эркин ва хавфсиз ҳаракатланишини таъминлаш учун инфратузилмани ихтисослаштириш ва мослаштириш, барча таълим босқичларида ногиронлиги бўлган шахсларнинг тенг ҳуқуқли таълим олишига шароит яратиш, уларнинг уйдаги таълим шаклидан чиқиб, жамоа муҳитида таълим олишларини таминлашни мақсад қилган.

Шунингдек, ногиронлиги бўлган шахслар учун иш ўринларини ташкил қилиш, тадбиркорликка ўргатиш ва бандлик имкониятларини кенгайтиришмақсадида тадбиркорлар орасида амалдаги қонунчиликда белгиланган имтиёзлар билан таништириш бўйича тарғибот ишларини олиб бориш, жамиятда ҳурмат, бағрикенглик ва инсонпарварлик қадриятларини қарор топтириш, ногиронлиги бўлган шахсларни ижтимоий қўллаб-қувватлаш тизимини такомиллаштириш ҳам лойиҳанинг асосий йўналишларидан биридир.

Бундан ташқари, лойиҳа орқали аҳолини ногиронлиги бўлган шахсларнинг шахсий, ижтимоий ва иқтисодий ривожланиши учун амалий ёрдам кўрсатиш ва ногиронлиги бўлган шахслар учун жорий этилган имтиёзлар ҳамда хуқуқларидан хабардор қилиш режалаштирилган.

Ташкилий қўмита йиғилишида ногиронлиги бўлган шахсларнинг ҳуқуқларини ҳимоя қилиш бўйича қонунчиликни халқаро стандартларга мувофиқлаштириш, уларни иш билан таъминлаш масаласида ижтимоий масъулиятни ошириш, умумий ўрта таълим мактаблари, билим юртлари ва олий таълим муассасаларида ногиронлиги бўлган шахсларни бевосита узлуксиз инклюзив таълим олишида яқиндан кўмаклашиш каби масалалар муҳокама қилинди.

Таълимнинг уйдаги шаклини тадрижийлик асосида камайтириш ва ногиронлиги бўлганшахсларни бевосита таълим муассасаларида ўқишга жалб қилиш, таълим муассасаларида ЎзЛиДеПнинг кўнгилли ёшлар клубларини ташкил этиш ва бу клублар орқали ногиронлиги бўлган ёшларнинг маънавий қўллаб-қувватлаш, дўконлар, супермаркетлар, бозорлар, умумий овқатланиш шохобчалари ва аҳолига хизмат кўрсатиш жойларида ногиронлиги бўлган шахслар учун қулайлик яратиш бўйича лойиҳа доирасида амалга оширилиши лозим бўлган вазифалар белгилаб олинди.