“Халқ билан бирга” умуммиллий дастури доирасида O‘zLiDeP Наманган шаҳар Кенгаши томонидан “Креатив ёш тадбиркор” лойиҳаси доирасида ташкил этилган тадбир ёшларнинг тадбиркорлик салоҳиятини ривожлантириш, уларнинг инновацион фикрлашини қўллаб-қувватлашга қаратилди.

Тадбир давомида талабаларнинг илғор ғоя ва ишланмалари тақдим этилиб, “Бионика” лабораториясида амалга оширилаётган лойиҳалар билан яқиндан танишилди. Бу эса ёшларда амалий билим ва кўникмаларни мустаҳкамлаш, илмий изланишларга бўлган қизиқишни янада оширишга хизмат қилди.

Якунда фаол иштирок этган бир гуруҳ ёшлар муносиб рағбатлантирилди. Бундай ташаббуслар ёшларни қўллаб-қувватлаш, уларнинг креатив ғояларини рўёбга чиқариш ва янги ютуқлар сари илҳомлантиришда муҳим аҳамият касб этади.