ЎзЛиДеП депутати: Янгиқўрғондаги икки кўприк муаммоси қачон ҳал этилади?

Олий Мажлис Қонунчилик палатаси депутати, ЎзЛиДеП фракцияси аъзоси Дилмурод Артиков томонидан Ўзбекистон Республикаси Транспорт вазири Илҳом Рустамовга депутатлик сўрови юборилди.

Сўровда Наманган вилояти, Янгиқўрғон туманидаги "Булоқбоши" МФЙ ҳудудидан ўтган туман маркази ва Нанай туризм қишлоғини боғловчи икки кўприкнинг ҳолатига эътибор қаратилган. Ушбу кўприклар 1969 йилда қурилган бўлиб, бугунги кунда таъмирталаб ҳолатга келиб қолгани ва транспорт ҳаракати ҳамда аҳоли учун қийинчилик туғдираётгани ҳақли эътирозларга сабаб бўлаётгани таъкидланган.