Ўзбекистонда моддий зарар ёки қарздорлик суд қарорида белгиланган муддатда қоплаб берилмаган тақдирда, кечиктирилган ҳар бир кун учун пеня ундириш (астрент тизими) жорий этилади. “Ҳар бир кечиккан кун тадбиркорнинг зарарига ишламоқда”, деди президент. Тадбиркорлар иқтисодий ва маъмурий судларга экстерриториал тартибда мурожаат қилиши мумкин бўлади.

Президентимиз тадбиркорлар билан учрашувда моддий зарарни ундириш бўйича судлар қарорлари ижроси кечикаётган ҳолатларга эътибор қаратди.

Аслида, ундирилиши керак бўлган қарздорликнинг ҳар бир кечиккан куни тадбиркорнинг зарарига ишламоқда, деди давлатимиз раҳбари.

Шунинг учун халқаро тажриба асосида астрент тизими жорий қилинади. Бунда моддий зарарни қоплаш кечиктирилган ҳар бир кун учун қарздор ҳисобидан пеня ундириш суд қарорида аниқ белгилаб қўйилади.

Шунингдек, эндиликда тадбиркорлар иқтисодий ва маъмурий судларга экстерриториал тартибда мурожаат қилиши мумкин бўлади.