O‘zLiDeP Сиёсий Кенгаши Ижроия қўмитасида Олий Мажлис Қонунчилик палатасидаги O‘zLiDeP фракцияси билан ҳамкорликда “Ўзбекистон Республикаси Президентининг тадбиркорлар билан V очиқ мулоқотида белгиланган вазифаларни амалга ошириш чора-тадбирлари тўғрисида”ги Фармонини ижроси бўйича партия ходимлари ва Халқ депутатлари маҳаллий Кенгаш депутатлари иштирокида ўқув-семинар ташкил этилди.

Ўқув-семинарда якка тартибдаги тадбиркорлар томонидан ишчиларга электрон ҳамён орқали “кунбай”, “соатбай” маош тўлаш имкониятини яратиш бўйича ўзгартириш ва қўшимчалар киритиладиган қонун ҳужжатлари рўйхатини шакллантириш ҳамда мулоқотда илгари сурилган ташаббуслар ижросини таъминлаш учун Меҳнат кодексига ва бошқа қонунчилик ҳужжатларига ўзгартиришлар киритиш бўйича таклиф-тасвиялар билдирилди. Шунингдек, қонун ҳужжатларига импорт жараёнида мувофиқлик сертификатлари ҳар бир партияга эмас, шартномада кўрсатилган ҳажм учун берилишини кўзда тутувчи ўзгартириш ва қўшимчалар киритиш чораларини кўриш ҳамда давлат активлари беш йилга ижарага беришни назарда тутувчи ўзгартириш ва қўшимчалар киритиш бўйича ҳам амалий таклифлар муҳокама қилинди.

Бундан ташқари, масъулияти чекланган жамиятлари инвесторлардан соддалаштирилган тартибда маблағ жалб қилиш, инвестор киритган маблағи кафолатли ҳимоялашни назарда тутувчи ўзгартириш ва қўшимчалар киритиш, инвестиция кодексини қабул қилиш, бизнес уюшмалари фаолиятини қўллаб-қувватлаш, улар билан қўшма лойиҳалар ташкил қилиш ва соҳадаги қонунчиликни такомиллаштириш бўйича ҳам аниқ таклифлар билдирилди.

Тадбир якунида барча таклиф ва тавсияларни Олий Мажлис Қонунчилик палатасидаги партия фракциясига киритишга қарор қилинди.