Хонқалик ишбилармон аёллар: маҳалладан экспортгача
O‘zLiDeP ташаббуси билан амалга оширилаётган “Маҳалланинг ишбилармон аёли” лойиҳаси доирасида Хонқа туманида фаол тадбиркор хотин-қизлар билан учрашувлар ўтказилди. Унда Халқ депутатлари туман Кенгаши депутати Нодира Султанова ва партия масъуллари иштирок этиб, тадбиркор аёлларнинг фаолияти билан танишди.
“Жаннатмакон” маҳалласида яшовчи Дилафруз Бекжанова раҳбарлик қилаётган “Маржона текстил” корхонасида болалар кийимлари ишлаб чиқарилиб, 70 нафар хотин-қиз иш билан таъминланган. Корхона ўтган йили 150 минг долларлик маҳсулотни Россияга экспорт қилди.
“Гулғунча” маҳалласидаги Моҳирабону Ишонова “Banoffe cake” бренди остида ширинликлар ишлаб чиқариб, 6 нафар аёлни иш билан таъминлаган. “Ватанпарвар” маҳалласидаги Шаҳзода Олимова эса “Shahzoda cooking” оилавий корхонасида 30 турдан ортиқ ширинликлар тайёрламоқда.
Тадбиркор аёлларга мавжуд имтиёз ва имкониятлар ҳақида тушунчалар берилди. Танлов натижасига кўра, ушбу уч нафар тадбиркор туман босқичига йўлланма олди.
O‘zLiDeP тадбиркорларни ҳимоя қилишда Бизнес-омбудсман билан яқиндан ҳамкорлик қилади
Хоразмлик депутатлар чиқиндиларни бошқариш соҳасига рақамли ва “ақлли” тизимларни жорий этишни таклиф қилишди
Қорақалпоғистонлик депутат мактабга 200 та китоб совға қилди
O‘zLiDeP сайёр қабулида 23 та муаммо жойида ҳал этилди
