Ёшлар стартаплари — янги ғоялар ва инновацион ташаббуслар майдони

O‘zLiDeP Хоразм вилоят Кенгаши “Ёшлар қаноти” ташаббуси билан ёшларнинг тадбиркорлик салоҳиятини рўёбга чиқариш, инновацион ғояларини қўллаб-қувватлаш ва стартап лойиҳаларини амалга оширишга кўмаклашиш мақсадида “Ёшларнинг стартап дастурларини қўллаб-қувватлаш” лойиҳаси доирасида тадбир ташкил этди. Унда партия вилоят Кенгаши масъуллари, ёшлар ҳамда партия фаоллари иштирок этди.

Мулоқот давомида ёшлар тадбиркорлигини ривожлантириш, истиқболли стартап лойиҳаларини ҳаётга татбиқ этиш, янги иш ўринлари яратиш ва инновацион ғояларни амалий натижага айлантириш масалалари муҳокама қилинди. Таъкидланганидек, ёшларнинг ҳар бир янги ғояси келажак тараққиёти учун муҳим қадам бўлиб, уларнинг ташаббусларини қўллаб-қувватлаш ва билим-салоҳиятини рўёбга чиқариш учун зарур имкониятларни яратиш муҳим аҳамиятга эга.

Тадбир якунида ёшларнинг таклиф ва ташаббуслари тингланиб, истиқболли лойиҳаларни ривожлантириш, уларни амалга оширишда кўмаклашиш ҳамда партиянинг ёшлар билан ҳамкорлигини янада кучайтириш юзасидан фикр алмашилди. Мазкур лойиҳа ёшларнинг тадбиркорликка бўлган қизиқишини ошириш, янги ғояларини рўёбга чиқариш ва ҳудуд иқтисодий тараққиётига ҳисса қўшадиган ташаббусларни рағбатлантиришга хизмат қилади.