O‘zLiDeP Сиёсий Кенгаши Ижроия қўмитаси аъзоси, O‘zLiDeP Сиёсий Кенгаши Ижроия қўмитаси раисининг Сиёсий-мафкуравий ва тарғибот-ташвиқот ишлари бўйича ўринбосари, “Юксалиш” умуммиллий Ҳаракати Тошкент шаҳар бўлинмаси раҳбари, “Dimax саноат-савдо кўргазма бизнес маркази” Кузатув Кенгаши раиси

Шоумаров Дилшод Шавкатович 1964 йилнинг 31 июлида  Тошкент шаҳрида туғилган.

1981-1986 йилларда Тошкент давлат университетининг (ҳозирги ЎзМУ) шарқшунослик факультетида, 1998-2000 йилларда Тошкент давлат иқтисодиёт университетида таҳсил олган. Маълумоти бўйича мутахассислиги —  шарқшунос, халқаро бизнес магистри.

Меҳнат фаолиятини 1986 йилда ТошДУнинг халқаро бўлими катта инспектори лавозимидан бошлаган.

1987-1991 йилларда Ташқи иқтисодий алоқалар вазирлигида муҳандис-таржимон, 1991-2008 йилларда “КОМЭКО” халқаро ташкилоти, “Азия-Металл-Трейдинг” ҚК, “Акан-Пластик” ҚК, “Протекс-Иншоат” корхонаси, “Қурилиш моллари бозори” МЧЖда раҳбар лавозимларида ишлаган.

2008 йилдан ҳозирги вақтга қадар “DIMAX METALL SERVIS” МЧЖ Таъсисчилар кенгаши раиси, 2013 йилдан буён “Dimax” саноат-савдо кўргазма бизнес маркази раиси сифатида фаолият юритиб келмоқда. 

2015 йилда Халқ депутатлари Тошкент шаҳар Кенгаши депутати этиб сайланган.

2014 йилдан буён O‘zLiDeP Сиёсий Кенгаши Ижроия қўмитаси раисининг мафкуравий ва тарғибот-ташвиқот ишлари бўйича ўринбосари лавозимида ишлаб келмоқда.